[9]Ende na dat si den Coninck gehoort hadden, so sijn si ghereyst, Ende siet, die sterre die si int oosten gesien hadden, ghinck voor haer, tot dat si quam staen bouen die plaetse daert kint was. [10]Ende doen si die sterre saghen, so sijn si seer verblijt, ende ghingen in dat huys, B ende vonden dat kint met Maria sijn moeder, ende vielen nedere, ende hebben dat kint aenghebeden, [11]ende haer schatten gheopent, ende hebben hem gheoffert gauen, gout, wieroock, ende myrre. [12]Ende God beual haer inden droom, dat si tot Herodes niet weder en souden keeren, ende si sijn door eenen anderen wech weder in haer lant ghekeert. *

[13]Ende na dat si wech ghereyst waren, † Siet, soo heeft die engel des HEREN geopenbaert Ioseph inden droom, segghende, Staet op ende neemt dat kint ende sijn moeder, ende vliet in Egypten, ende blijft aldaer tot dat ict v segghe, Want het is op handen, dat Herodes dat kint soecken sal, om te dooden, C [14]Ende hy ghewect sijnde, heeft met hem ghenomen dat kint ende sijn moeder, byder nacht, [8] ende vloodt in Egypten, [15]ende heeft daer alsoo langhe ghebleuen tot nae der doot Herodis, op dat veruult soude worden dat vanden HERE ghesproken was, door den Propheet, segghende, Wt Egypten heb ick mijnen sone gheroepen.

[16]Doen Herodes sach dat hi vanden wijsen bedroghen was, wert hy wter maten gram, ende sant sijn dienaers wt, ende liet dooden al die kinderen dye te Bethleem, ende daer ontrent in dye landen rondtsom ligghende waren, alle die .ij. iaren, oft min dan twee iaren oudt waren, Naden tijt die hi neerstelijc wten Wijsen verstaen hadde.

[17]Doen was veruult dat gesproken heeft gheweest vanden Propheet Ieremias, [9] die daer spreect. [18]Op die geberchten in Rhama is gehoort geweest gheschrey, vele claghens, weenens ende huylens, Rachel beweenende haer kinderen, en heeft haer niet willen laten troosten, want si niet en sijn. *

D [19]† Ende na dat Herodes ghestoruen was, siet, so openbaerde die Enghel des HEEREN Ioseph inden droom, daer hi in Egypten was, [20]segghende, Staet op, ende nemet tot v dat kindt ende sijn moedere, ende reyst int lant van Israel, Want si ghestoruen sijn dye den kinde na sijn leuen stonden. [21]Ende Ioseph stont op ende nam dat kint ende sijn moeder tot hem, ende is ghecomen int lant van Israel, [22]doen Ioseph verhoorde dat Archelaus int Iootsche landt Coninck was in sijns vaders Herodes plaetse, soo heeft hy gheureest derwaerts te reysen, ende inden droom ontfinck hi een beuel van God, ende hi is ghereyst in die eynden des Galileetschen lants, [23]Ende daer comende, [10] soo heeft hy ghewoont in dye stadt dye ghenaemt is Nazareth, Op dat veruult soude worden dat door die Propheten ghesproken was, want hy Nazareus ghenaemt sal worden. *

[4]Ende dese Ioannes hadde sijn cleedt van kemelen hayr, ende eenen leyren gordel om sijn lendenen, ende sijn spijse waren sprinchanen, ende wilden honich, [12] [5]Doen is tot hem wtghegaen die stadt van Ierusalem, alle dat lant van Iudeen, ende alle dat lant ontrent der Iordanen, [6]ende si werden van hem in die Iordane gedoopt, bekennende haer sonden.

B [7]† Ende doen hi sach veel Pharizeen ende Saduceen tot sinen doopsel comen, so sprac hi tot haer lieden, Ghi aderen gheslachten, Wie heeft v te kennen ghegeuen te ontulieden den toecomenden toren? [8]Hierom doet oprechte vruchten des berous, [9]ende en denckt niet dat ghy in v seluen soudt willen segghen, Wy hebben Abraham tot eenen vader. Ick segghe v, dat God machtich is Abraham wt dese steenen kinderen te verwecken, [10]Ende die bijle is nv aen die wortel der boomen gestelt, [13] hierom sal elcken boom die gheen goede vrucht voort en brengt, afghehouden ende int vier gheworpen worden. [11]Ick doope v met water tot berouwe, [14] maer hi die na mi comen sal, die is stercker dan ick, wiens schoenen ic niet weerdich en ben te draghen, die sal doopen metten heylighen gheest, ende met vier, [12]Ende hi heeft sinen wan in sijn hant, Ende hi sal sinen dorschuloer suueren, ende sijn [15] tarwe sal hi in sine schuere vergaderen, mer dat caf sal hi metten eewighen viere verbranden. *

[13]† Doen quam Iesus wt Galileen aen die Iordane tot Ioannem, op dat hi van hem ghedoopt soude worden, [14]ende Ioannes weygerde hem, ende sprac. C Ick behoefde wel van v ghedoopt te worden, ende coemt ghi tot mi? [15]Ende Iesus antwoorde ende sprac, Latet nv also geschieden, want also betamet ons, op dat wi alle [16] gerechticheyt volbringhen mogen. Doen liet hijt gheschien. [16]Iesus ghedoopt sijnde, clam terstont wt den water, ende siet die hemelen sijn bouen hem gheopent, ende Ioannes sach den gheest Gods neder dalen ghelijc een duyue, ende op hem comen. [17]Ende siet daer quam een stemme